सन्दिप लामिछाने को भिडियो हेर्न तल थिच्नुहोस
यो पनि पढ्नुहोस: चुनावको मुखैमा योगेश भट्टराईले आफ्नै खुट्टामा आफै हाने बञ्चरो, तत्काल पार्टीबाटै निकाल्नुपर्छ भन्दै एमालेकै नेताकार्यकर्ताहरु बने आक्रोशित !
विवादित नागरिकता विधेयक संसदका दुवै सदनबाट दोस्रोपटक पारित भएर प्रमाणीकरणका लागि राष्ट्रपति कार्यालयमा पुगेको छ ।
९ दिनअघि आएको उक्त विधेयकका सम्बन्धमा राष्ट्रपति विद्यादेवी भण्डारीले निर्णय लिइसकेकी छैनन् ।
राष्ट्रपतिले हिजो आफूकहाँ आएका ५ वटा विधेयक प्रमाणीकरण गर्दा नागरिकता विधेयक भने थाती राखिन् । यसले सत्तारुढ दलहरूभित्र संशय पनि सुरू भएको छ ।
अब ५ दिन बाँकी रहदा सबैको ध्यान शीतलनिवासतर्फ मोडिएको छ । विभिन्न तह र तप्काबाट विभिन्न खाले प्रतिक्रिया आइरहेका छन् ।
यसैबीच नेकपा एमालेका सचिव योगेश भट्टराईले संघीय संसदबाट पारित भएर प्रमाणीकरणका लागि राष्ट्रपतिकहाँ पुगेको नागरिकता ऐन संशोधन विधेयकले अधिकांश नागरिकता सम्बन्धी समस्या समाधान गर्ने बताएका छन् ।
नागरिकता ऐन संशोधन विधेयकले सबै समस्या समाधान गर्न नसक्ने भनी कतिपयले टिप्पणी गरिहेका बेला एमाले सचिव भट्टराईले भने राष्ट्रपतिकहाँ पुगेको नागरिकता विधेयक प्रमाणीकरण भएर लागू भएपछि ९८ प्रतिशत समस्या समाधान हुने ठोकुवा गरेका हुन् ।
भट्टराईको यो अभिव्यक्तीले नागरिकता विधेयकको विपक्षमा उभिएको एमालेकै नेताकार्यकर्ताहरु आक्रोशित बनेका छन् ।
योगेशलाई आउने चुनाव नजिकिरहेका बेला यस्तो अभिव्यक्ती दिएर आफ्नै खुट्टामा आफैले बञ्चरो हान्न खोजेको समेत एमालेका नेताकार्यकर्ताहरु बताउन थालेका छन् ।
केहीले त पार्टीको लाइन विपरित गएर राष्ट्रघाती भनिएको यो विधेयकका पक्षमा बोलेको भन्दै गम्भीर आपत्ती प्रकट गर्दै योगेशलाई पार्टीबाटै निकाल्नुपर्ने माग समेत राखेका छन् ।
‘नागरिकताको समस्या यो विधेयक (प्रमाणीकरणका लागि राष्ट्रपतिकहाँ पुगेको विधेयक) आइसकेपछि (प्रमाणीकरण भएर लागू भएपछि) लगभग हल हुन्छ,
धेरै बाँकी हुँदैन अब । मलाई लाग्छ ९८ प्रतिशत समस्या समाधान हुन्छ । अब एक डेढ प्रतिशत बाँकी होला’, सचिव भट्टराईले भने ।
बुधबार सिंहदरबारमा भएको ‘सांसदसँग बालबालिका’ विषयक कार्यक्रममा एमाले सचिव भट्टराईले यस्तो बताएका हुन् ।
सचिव भट्टराईले प्रमाणीकरणका लागि राष्ट्रपतिकहाँ पुगेको नागरिकता ऐन संशोधन विधेयकले गरेका मुख्य व्यवस्थाहरुको पनि व्याख्या गरे ।
सचिव भट्टराईका अनुसार पहिले जन्मसिद्धको नागरिकता भएका सन्तानले वंशजको नागरिकता पाउने विषय सुनिश्चित भएको छ ।
आमा भएको बाबुको पहिचान नभएकोले नागरिकता पाउने, नेपालमा जन्मिएको तर, बाबु र आमा नभेटिएकोले पनि नागरिकता पाउने विषय विधेयकले सुनिश्चित गरेको सचिव भट्टराईले सुनाए ।
‘जो संस्थागत बस्नुभएको छ त्यो संस्थाले सिफारिस गर्दा पनि नागरिकता पाइन्छ ।
यसकारण यो नागरिकता विधेयक आएपछि नेपालमा रहेको नागरिकताका समस्याहरु लगभग हल हुन्छ’ भट्टराईले भने, ‘यसकारण अब नागरिकतामा मूलत समस्या छैन। सिडिओ कार्यालयले नबुझेर दुःख दिएछ भने बेग्लै कुरा हो ।’
Leave A Comment