टोकियो ।जापानमा एक जना नेपालीलाई सम्मान गरिएको छ । फुकुओकास्थित एउटा कन्भिनियन्स स्टोरमा म्यानेजरको रुपमा काम गर्ने नेपाली युवा शालिकराम सापकोटालाई फुकुओका प्रहरीले प्रशांसापत्रसहित सम्मान गरेका छन् ।
फोन मार्फत ठगिन लागेका एक जापानीलाई जोगाइदिएकोमा जापानको फुकुओकामा एक नेपाली युवालाई प्रहरीले पुरस्कृत गरेको छ ।जापानी सञ्चार माध्यमहरुमा प्रकाशित समाचारका अनुसार ती युवाले स्टोरमा आएका एक वृद्ध ग्राहकलाई ठगीमा पर्नबाट जोगाएका थिए ।
सापकोटालाई ठगीजन्य अपराधिक गतिविधि न्यूनीकरणमा मद्दत गरेकोमा फुकुओका प्रिफेक्चरल प्रहरीले उनको प्रशंसा गर्दै सम्मान गरेको हो । स्थानिय फेमिलि मार्ट स्टोरका मेनेजर रहेका सापकोटालाई प्रहरी चौकीबाट ९ तारिख ठगीबाट जोगाएकोमा कदर पत्र प्रदान गरिएको छ ।
एउटा वृद्धलाई फोन गरेर ठग्न खोज्ने ठगहरुले तिम्रो कम्प्युटरमा भाइरस पसेको छ, कोन्बिनी स्टोरमा गएर ५० हजार येनको कार्ड किन्नु पर्छ भनेका थिए । जापानी वृद्धले विश्वास गरी फोनमा बोल्दै ठगहरुले भनेअनुसार कार्ड किन्न कोन्बिनी स्टोरमा गए ।घटना अनुसार सापकोटा कार्यरत सुविधा स्टोरमा अक्टोबर २४ मा ६० वर्षका एक परिचित पुरुष ग्राहक आफ्नो मोबाइल फोनमा कुरा गर्दै आइपुगेका थिए ।
‘मेरो कम्प्युटर भाइरसबाट संक्रमित भएको थियो, र मलाई ५०,००० येन मूल्यको कार्ड किन्न निर्देशन दिइएको थियो।’ ठगिन लागेका व्यक्तिले भने त्यसपछि उनले सापकोटासँग परामर्श लिएका थिए ।सापकोटाले सम्मानमा आयोजित कार्यक्रममा भने ‘मैले कम्प्यूटर भाइरसको बारेमा धेरै पटक सुनेको छु, त्यसैले म ग्राहकसँग कुरा गर्दै थिएँ, यो घोटाला हो कि भन्ने लाग्यो ।’
ती व्यक्तिसँगको अन्तरक्रियाबाट ठगीको आशंका लागेका सापकोटाले तत्कालै उक्त फोनमा कुराकानी गरेका थिए ।’मैले छोरा हुँ भन्दै फोनको जवाफ दिएँ । छोरा भएको बहाना गर्ने सापकोटाले राम्रो जापानी भाषा बोल्दा ठगीको प्रयास गर्ने फोन कर्ताले आत्तिएर फोन काटिदिएका थिए ।’
‘यस्तो भन्नु झुटो भए पनि, म परिवारको सदस्य हुँ वा म छोरा हुँ भन्नु राम्रो हुन्छ, जसले गर्दा ठग्न खोज्ने अर्को व्यक्तिले सोच्नेछ’ सापकोटाले भने ।उनले जापानमा आफ्नो ९ वर्षमा प्राप्त गरेको यो पहिलो अवार्ड भएको बताए ।प्रहरीले सापकोटाको बुद्धिमतापूर्ण कार्यलाई ‘रोल मोडल जस्तै’ भनेर प्रशंसा पनि गरेको छ ।
सापकोटाले केही सोधखोज नगरी कार्ड बेचिदिएको भने वृद्धबाट ठगहरुले ५० हजार येन ठग्ने थिए । यो घटना अक्टोबर २४ को हो । सापकोटाको सम्मान नोभेम्बर ९ मा गरिएको थियो । जापानमा हालैका वर्षहरुमा वृद्ध÷वृद्धाहरु ठगीका घटना बढेका छन् ।
Leave A Comment