नेकपा एमालेका अध्यक्ष एवं पुर्व प्रधानमन्त्री केपी शर्मा ओलीले आफूले सबै सम्पत्ति राज्यको नाममा गरेको जिकिर गरेका छन् ।
शनिबार काठमाण्डौमा आयोजित एक कार्यक्रममा बोल्दै उनले आफ्नो नामको सबै सम्पत्ति राज्यको नाममा गरिदिएको बताउदै
आफुले जस्तै प्रचण्ड, शेरबहादुर देउवा र माधव नेपालले यस्तो गर्न सक्छन् ? भन्दै प्रश्न तेर्साएका छन् ।
उनले एमालेलाई बहुमत ल्याउनबाट रोक्न गठबन्धन गरिएको आरोप लगाए । एमालेको लोकप्रियताबाट आत्तिएर अरु दलहरू गठबन्धनमा पुगेको उनले बताए ।
अध्यक्ष ओलीले देशको विकास र समृद्धि एमालेको नेतृत्वमा मात्रै सम्भव रहेको भनेर जनता विश्वस्त भएको बताएका छन् ।
उनले अहिलेको पाँच दलीय गठबन्धन एमालेलाई बहुमत ल्याउनबाट रोक्नको लागि मात्रै बनेको भनेर टिप्पणी गरे ।
उनले देशको विकासको लागि एमालेलाई सरकारको नेतृत्वमा पुर्याउनुपर्नेमा जोड दिए । उनले नेपालमा जातीय राज्य भनेर लडाई गर्न खोजिएको थियो भन्ने पनि टिप्पणी गरे ।
उनले जातजातबीच एकता हुन नदिनको लागि यस्तो भावना जगाईएको आरोप लगाए ।
आज (शनिबार) काठमाडौंमा नेपाल लोकतान्त्रिक शेर्पा संघको दोस्रो राष्ट्रिय अधिवेशनमा प्रमुख अतिथिको रुपमा बोल्दै उनले यस्तो बताएका हुन् ।
Leave A Comment