फ्रान्सेली फूटबल टोलीका प्रशिक्षक डिडिएर डेशँले विश्वकप फाइनलमा अर्जेन्टिनासँगको भिडन्तमा लियोनल मेसीलाई रोक्ने योजना बनाएको बताएका छन् । टीएफ१ सँग कुरा गर्दै डेशँले बताए, ‘हामीले उनलाई पहिले पनि भेटिसकेका छौं, सम्झिनुहुन्छ नि ? हामी यसबारेमा सोच्छौं ।
उनको प्रभाव कम गर्नका लागि सतर्कता अपनाउनुपर्ने हुन्छ । चार वर्षअघि उनी मैदानको दायाँतर्फ रहने अपेक्षा हामीले गरेका थियौं र उनी सेन्टर फर्वार्डको भूमिकामा थिए । अहिले उनी प्लेमेकर हुन् । उनीसँग बढी स्वतन्त्रता छ । त्यसैले उनलाई मार्क गर्न बढी गाह्रो छ ।’
धेरै कम विपक्षी खेलाडीहरूले मात्र सातपटकका बालोन डीओर विजेता मेसीलाई रोक्न सकेका छन् । यस विश्वकपमा पनि मेसीले पाँच गोल गरिसकेका छन् । आइतवार लुसेल स्टेडियममा हुने फाइनलमा मेसीलाई शान्त राख्नका लागि आफूहरूले सबै किसिमका सतर्कता अपनाउने भनी डिशँले अर्जेन्टिनामाथि दबाब सिर्जना गर्न खोजेको देखिन्छ ।
यो पनि – विश्वकपको फाइनलमा अर्जेन्टिना र फ्रान्सले खेल्ने सही अनुमान लगाएर ‘लिभिङ नोस्ट्राड्यामस’ को उपनाम पाएका अथोस सालेम फाइनल खेलको विजेता को बन्छ भन्ने पनि अनुमान खेलाएका छन् । नोस्ट्राड्याम १६औं सताब्दीका फ्रान्सका चर्चित भविष्यबेत्ता हुन् ।
भविष्य बताउने ब्राजिलका सालेमले यसअघि बेलायती महारानीको नि” धन हुने र को” भिडको महामारी फैलिनेबारे पनि पहिले नै बताएका थिए । उनले कतारमा विश्वकप सुरु हुनु पहिले पनि यी दुई देश उपाधिका लागि भिड्ने भविष्यवाणी गरेका थिए । र, अर्जेन्टिनाले सेमिफाइनलमा क्रोएसियालाई र फ्रान्सले मोरक्कोलाई हराएर फाइनलमा स्थान बनाएसँगै उनको यो भविष्यवाणी सही सावित भएको थियो ।
अहिले उनले आइतबार हुने फाइनल कुन टिमले जित्छ भन्ने पनि बताएका छन् । सालेमले आइतबार हुने फाइनलमा फ्रान्सलाई हराएर अर्जेन्टिनाले उपाधि जित्ने भविष्यवाणी गरेका छन् । उनले आफ्नो अनुमान एक पद्दतिमा आधारित रहेको बताएका छन् । उनले आफ्नो अनुमान ‘कब्बालाह’ पद्दतिमा रहेको बताएका छन् । जसले गणितीय रुपमा सम्भावनाबारे विश्लेषण गर्छ ।
यो पनि – लिजेण्डरी ब्राजिलियन गोलकिपर जुलियो सेजरले सन् २०२२ फिफा विश्वकप फाइनलमा लियोनेल मेसीको अर्जेन्टिनालाई किलियन एमबाप्पेको फ्रान्सले हराओस् भन्ने चाहना व्यक्त गरेका छन्। पूर्व इन्टर मिलान गोलकिपरले दावी गरे कि आफ्नो देशको कट्टर प्रतिद्वन्द्वीहरूलाई समर्थन गर्नु उनको लागि कपटपूर्ण हुनेछ।
उनका अनुसार ब्राजिलियन भएको आधारमा उनी अर्जेन्टिना भन्दा पनि फ्रान्सको समर्थनमा हुनेछन्। ब्राजिल र अर्जेन्टिना लामो समय देखि फुटबलको मामलामा एक-अर्कालाई टक्कर दिंदै आएका छन्। विश्वकपमा मात्र नभई यी दुई बीच कोपा अमेरिका सहितका प्रतियोगिताहरुमा पनि प्रतिष्पर्धा हुने गर्छ।
पछिल्लो कोपा अमेरिकाको संकरणको फाइनलमा ब्राजिल र अर्जेन्टिना बीच भेट भएको थियो। सो खेलमा अर्जेन्टिनाले ब्राजिललाई पराजित गर्दै कोपा अमेरिका उपाधि जितेको थियो। त्यस्तै यस विश्वकपमा ब्राजिल क्वाटरफाइनलमा क्रोएसियासँग पराजित हुन पुगेको थियो।
क्रोएसिया विरुद्धको खेलमा अजित निकाल्न सकेको भए ब्राजिलको भेट सेमिफाइनलमा अर्जेन्टिनासँग हुने थियो। ब्राजिलियनको रुपमा आफू फ्रान्सको समर्थनमा हुने सेजरको भनाई छ। यदि विश्वकपको फाइनलमा फ्रान्स र ब्राजिल भएको भएपनि अर्जेन्टिनीहरु फ्रान्सको समर्थनमा हुने सेजरले दावी गरे।
“ब्राजिलियनको रूपमा, मैले फ्रान्सलाई समर्थन गर्नुपर्छ। म मेस्सीलाई माया गर्छु, मेरो लागि उनी अविश्वसनीय छन्। तर यदि ब्राजिल फाइनलमा पुगेको भए अर्जेन्टिनीहरुले पनि फ्रान्सलाई समर्थन गर्थे। यस क्षणमा कपटी नबनौं। म पनि फ्रान्सलाई नै समर्थन गर्छु।”,उनले भने।
सेमिफाइनलमा क्रोएसियालाई ३-० ले हराएर लियोनेल मेस्सीको अर्जेन्टिना १३ डिसेम्बरमा हुने २०२२ फिफा विश्वकपको फाइनलमा पुग्यो। त्यसको एक दिन पछि, डिफेन्डिङ च्याम्पियन फ्रान्सले सेमिफाइनलमा पुगेको मोरक्कोलाई २-० ले हराएर ब्राजिल २००२ पछि लगातार विश्वकपको फाइनलमा पुग्ने पहिलो टोली बन्यो।
धेरै प्रतिक्षित फाइनलमा फ्रान्स र अर्जेन्टिना आइतबार डिसेम्बर १८ मा लुसेल आइकोनिक स्टेडियममा भिड्नेछन् । यति बेला फुटबलका ठूला-ठूला हस्तीहरु दुई मध्ये एक टोलीलाई समर्थन गरिरहेका छन्।
Leave A Comment