पहिलो हाफमा क्रोएसियालाई अग्रता

फिफा विश्वकप कतार २०२२ को तेस्रो स्थानको लागि क्रोएसिया र मोरक्कोबीच भएको खेलमा पहिलो हाफमा क्रोएसियाले २ – १ को अग्रता लिएको छ ।७ मिनेट अग्रता लिएको क्रोएसियालाई ९ मिनेटमै मोरक्कोले फर्काएको थियो । क्रोएसियाका लागि जोस्को भार्डिओलले गोल गर्दै क्रोएसियालाई १–० गोलको अग्रता दिलाएका थिए ।

तर क्रोएसियाले बनाएको अग्रता दुई मिनेट वित्न नपाउँदै मोरोक्कोले गोल फर्काएको हो ।खेलको नवौँ मिनेटमा मोरोक्कोका लागि अच्राफ डारीले गोल गर्दै १–१ गोलको बराबरी दिलाएका थिए ।खेलको ४२औँ मिनेटमा मिस्लाभ ओर्सिचले गोल गर्दै क्रोएसियालाई २–१ गोलको अग्रता दिलाएका हुन् ।

मिस्लाभ ओरिसिचले माथिल्लो भागबाट हानेको सट पोलमा लाग्दै गोलमा परिणत भएको थियो ।पहिलो हाफमा क्रोएसियाले मोरक्कोविरुद्ध ६० प्रतिशत बल पकडमा राख्दा जम्मा ७ पटक सट हानेकोमा उसक ४ सट अन टार्गेट थिए, जसमा दुई सट गोलमा परिणत भए ।

उता, मोरक्कोले पहिलो हाफमा ४० प्रतिशत बल पाउँदा जम्मा ४ पटक सट हानेकोमा मात्रै एक सट अन टार्गेट थियो । त्यही एक सटमा मोरक्कोले गोल पनि गरेको थियो ।साविकको उपविजेता क्रोएसिया सेमिफाइनलमा अर्जेन्टिनासँग ३–० ले तथा मोरक्को साविक विजेता फ्रान्ससँग २–० ले पराजित हुँदै

फाइनल पुग्नबाट चुकेको थियो ।अघिल्लो पटकको उपविजेता क्रोएसिया यसपाली तेस्रो बन्दै घर फर्कन चहान्छ । तर, त्यसको लागि क्रोएसियाले यस विश्वकपमा सनसनीपुर्ण प्रदर्शन गर्दै इतिहास बनाइसकेको अफ्रिकी राष्ट्र मोरक्कोको चुनौती पन्छाउनुपर्ने हुन्छ ।

यि दुई टोलीले यसै विश्वकपको समूह चरणमा प्रतिस्पर्धा गर्दा खेल गोलरहित बराबरीमा सकिएको थियो । क्रोएसियाले ६५ प्रतिशतभन्दा बढी बल पोसेसन राखेपनि मोरक्कोको बलियो रक्षापङ्तिलाई तोड्न सकेको थिएन । यसपटक क्रोएसिया त्यो चुनौती तोड्दै तेस्रो हुन चहान्छ ।सम्भवत अन्तिम विश्वकप खेलिरहेको लुका मोड्रिच आफ्नो टोलीलाई तेस्रो बनाएर विश्वकपबाट बिदा लिन चहान्छ ।

क्रोएसिया सन् १९९८ को विश्वकपमा पनि तेस्रो भएको थियो । त्यसबेला क्रोएसियाले नेदरल्यान्ड्सलाई २–१ ले हराएको थियो । यसपटक मोरक्कोलाई हराएर त्यही नतिजा कायम गर्न चहान्छ ।यता, मोरक्को पनि क्रोएसियालाई हराएर विश्वकपमा ऐतिहासिक तेस्रो पदक लिएर घर फर्कन चहान्छ ।

मोरक्को तेस्रो नभएपनि इतिहास बनाइसकेको यो टोलीलाई ऐतिहासिक स्वागत हुने पक्का छ ।सनसनीपूर्ण प्रदर्शन गरेको मोरक्कोले समूह चरणको खेलमा क्यानडाविरुद्ध आफ्नै गल्तीले खाएको आत्मघाती गोलबाहेक सेमिफाइनलमा २ गोल खान पुग्यो । मोरक्कोले अफ्रिकाबाट सेमिफाइनल खेल्ने पहिलो टोलीको इतिहास बनाइसकेको छ ।

शनिबार क्रोएसियालाई हराउन सके मोरक्को विश्वकपमा तेस्रो हुने पहिलो अफ्रिकी राष्ट्र बन्नेछ । यसअघि अफ्रिकी टोली क्वाटरफाइनलभन्दा अघि बढ्न सकेको थियो ।यसअघि क्यामरुन (१९९०), सेनेगल (२००२) र घाना (२०१०) ले क्वाटरफाइनलसम्मको यात्रा मात्र तय गर्न सकेका थिए ।

मोरक्को त्यो भन्दा एक खुड्किलो माथि पुगेको हो । तेस्रो भए थप अर्काे खुड्किलो माथि जानेछ । मोरक्को सन् १९८६ मा मेक्सिकोमा भएको विश्वकप फुटबलमा अन्तिम १६ सम्म पुगेको थियो ।त्यसयता, मोरक्को विश्वकपको नकआउट चरणमा पुग्न सकेको थिएन ।

सन् १९९४, १९९८ र २०१८ को विश्वकपमा मोरक्को समूह चरणबाटै बाहिरिएको थियो । तर, यसपटक मोरक्कोले बेल्जियम, क्यानडा, स्पेन र पोर्चुगलको चुनौती पन्छाउँदै सेमिफाइनलको यात्रा तय गरेर इतिहास रच्न सफल भइसकेको छ ।यि दुवै टोलीको सेमिफाइनलमा आएर नै अपराजित यात्रामा पूर्णविराम लागेको थियो ।

क्रोएसिया ४ जनु २०२२ मा अष्ट्रियासँग नेसन्स लिगमा ३–० पराजित भएयता ११ खेलसम्म अपराजित रहेको थियो । ६ जित र ५ बराबरीको नतिजा छ ।यता, फ्रान्ससँग २–० को हारसँगै मोरक्कोको पनि अपराजित यात्रा ११औं खेलमा टुंगिएको छ । २ जुन २०२२ मा अमेरिकासँग ३–० ले पराजित भएयता मोरक्को अपराजित रहेको थियो । जसमा ७ जित र ३ बराबरीको नतिजा थियो ।

यि दुई टोली हालसम्म दुईपटक भिडेका छन् । दुवै खेल बराबरीमा सकिएको छ । सन् १९९६ मा भएको हसन दोस्रो ट्रफी सेमिफाइनलमा क्रोएसियाले टाइब्रेकरमा जित निकालेको थियो । पछिल्लो भेट यसै विश्वकपको समूह चरणमा थियो । जुन खेल गोलरहित बराबरीमा सकिएको थियो ।