गोल गरेपछि रोए डी मारिया

विश्वकप फुटबलको अहिले भइरहेको फाइनलमा गोल गरेपछि अर्जेन्टिनाका एन्जेल डी मारिया गोल गरेपछि सेलिब्रेसन गर्नेक्रममा रोएका छन्। ३६ औं मिनेटमा डी मारिया गोल गरेपछि रोएका थिए। उनी चोटबाट मुक्त हुँदै फाइनलमा सुरुवाती ११ मा समावेश भएका थिए।

त्यसअघि डी मारियालाई नै लडाएपछि अर्जेन्टिनाले पेनाल्टी पाएको थियो। २३ औं मिनेटमा पाएको त्यही पेनाल्टी सदुपयोग गर्दै लियोनल मेस्सीले अग्रता दिलाएका थिए। पहिलो हाफको समाप्तीमा अर्जेन्टिना २० गोलले अगाडि रहेको छ।अर्जेन्टिना र फ्रान्सबिचको फाइनल खेलमा पहिलो हाफमा अर्जेन्टिनाले २-० को अग्रता लिएको थियो ।

मेसीले पेनाल्टीमार्फत २३औं मिनेटमा गोल गर्दै अर्जेन्टिनालाई अग्रता दिलाएका थिए । ओसुमाने डेम्बेलेले एन्जल डी मारियालाई फाउल गरेपछि अर्जेन्टिनाले पेनाल्टी पाएको थियो। फ्रेन्च डिफेन्डर थिओ हर्नान्डेजको गल्तीमा अर्जेन्टिनाले १७औं मिनेटमा सुन्दर मौका पाएको थियो। तर, एन्जल डी मारियाले गरेको प्रहार आकासिएको थियो।

त्यसपछि खेलको ३६औं मिनेटमा अर्जेन्टिनाले दोस्रो गोल हानेर अग्रता दोब्बर बनायो । यसपटक म्याक अलिस्टरको सुन्दर पासमा एन्जल डि मारियाले गोलकिपरलाई बिट गरेर चिप प्रहारमा सुन्दर गोल गरेपछि पहिलो हाफमा अर्जेन्टिनाले २–० को सहज अग्रता बनाउन सफल भयो ।

खेलमा पहिलो मिनेटबाटै आक्रामक सुरुआत गरेको अर्जेन्टिनाले खेलको तेस्रो मिनेटमै पहिलो गोलको अवसर सिर्जना गरेको थियो । र, फ्रेन्च गोलकिपरले बल राम्रो गरी समातेका थिए । पाँचौं मिनेटमा अर्जेन्टिनाका म्याकअलिस्टरको एक कडा सट पुनः गोलकिपरले समातेका थिए ।

आठौं मिनेटमा अर्जेन्टिनाका डे पाउलको कडा सट फ्रेन्च डिफेन्डरबाट ब्लक भएर बाहिर गएको थियो ।लुसेल रंगशालामा रातको ८:४५ बजे फाइनल सुरु भएको हो ।फ्रान्स र अर्जेन्टिनाले यसअघि विश्वकपमा तीन पटक खेलिसकेका छन् । अर्जेन्टिनाले सन् १९३० र १९७८ मा दुवै समूहका खेल जितेको थियो

तर फ्रान्सले २०१८ मा अन्तिम १६ मा ४–३ ले जित्दै आफ्नो एकमात्र नकआउट भिडन्तमा विजयी भएको थियो ।अर्जेन्टिनाले आफ्नो छैटौं विश्वकपको फाइनलमा प्रतिस्पर्धा गर्दैछ । सन् १९७८ र १९८६ मा विश्वकप जितेको अर्जेन्टिनाले १९३०, १९९० र २०१४ मा हार बेहोरेको थियो ।

सन् २०१० मा स्पेनको शैलीमै अर्जेन्टिना उपाधि जित्ने अभियानामा छ । त्यस विश्वकपमा स्पेनले सुरुवाती खेल गुमाउनुका बाबजुद उपाधि जितेको थियो । अर्जेन्टिना पहिलो खेल हारेर उपाधि जित्ने दोस्रो टोली बन्ने संघारमा छ ।मेस्सी सन् १९३० मा गुइलेर्मो स्टेबिल र १९७८ मा मारियो केम्पेसपछि विश्वकपमा गोल्डेन बुट जित्ने तेस्रो अर्जेन्टिनी खेलाडी बन्न सक्छन् ।

यस्तै उनी गोल्डेन बल र गोल्डेन बुट जित्ने पहिलो विजयी कप्तान पनि बन्न सक्छन् ।फ्रान्स सन् १९९८ यता चौथो पटक विश्वकपको फाइनलमा पुगेको छ । यो संख्या यस अवधिमा अन्य राष्ट्रको तुलनामा दोब्बर हो । लगातार दुई संस्करणको फाइनलमा पुग्ने टोलीमा थपिएको फ्रान्सलाई लगातार दोस्रोपटक विश्वकपको उपाधि जित्ने सुनौलो अवसर छ ।

यसअघि सन् १९५८ र १९६२ मा पेले र ब्राजिलपछि ६० वर्षसम्म कुनैपनि टिमले लगातार दुईपल्ट विश्वकप जित्न सकेको छैन । यसपल्ट फ्रान्सलाई त्यो अवसर छ ।सन् १९५८ र १९६२ मा ब्राजिलले लगातार दुईपटक विश्वकपको उपाधि जित्दै इतिहास बनाएको थियो । २०१८ मा विश्वकप फुटबलको उपाधि जितेको फ्रान्स पनि लगातार दुईपटक विश्वकपको उपाधि जित्ने लक्ष्यमा छ ।

यसअघि सन् १९३४ र १९३८ मा इटाली, १९५८ र १९६२ मा ब्राजिल, १९७४ र १९७८ मा नेदरल्यान्ड्स, १९८६ र १९९० मा अर्जेन्टिनाले लगातार दुईपटक फाइनलमा स्थान पक्का गरेको थियो । यस्तै १९८२, १९८६ र १९९० मा जर्मनीले तथा १९९४, १९९८ र २००२ मा ब्राजिलले लगातार तीनपटक फाइनल खेलेको छ ।